Siglir tar il cuntegn

Svizra Midada per bajetgs ordaifer la zona da construcziun

Il Cussegl dals chantuns ha decis da schluccar las reglas per bajetgs ordaifer la zona da construcziun. Stallas che na vegnan betg pli duvradas e mises pon uschia vegnir transfurmads pli simpel en abitaziuns.

Legende: Audio Il Cussegl dals chantuns vul schluccar las reglas per ils edifizis ordaifer la zona da construcziun abspielen. Laufzeit 0:47 Minuten.
0:47 min, Actualitad dals 26.09.2017.

Il Cussegl dals chantuns ha approvà ina moziun correspundenta cun 28 cunter 12 vuschs e trais abstenziuns. Las propostas duajan vegnir resguardadas en la revisiun actuala da la planisaziun dal territori. Tenor la moziun duajan las directivas chantunalas vegnir per gronda part unifitgadas. Ma cun la reutilisaziun na duai betg dar in'utilisaziun pli intensiva ed era betg dapli mulestas.

Iniziativa dal chantun Grischun e Vallais

Vegnì tar la moziun era quai tras las iniziativas chantunalas ord il chantun Grischun ed ord il chantun Vallais. Quellas pretendan ch'edifizis agriculs ordaifer la zona da construcziun pon vegnir reutilisadas sco abitaziuns. Vegnir resguardadas duajan las situaziuns differentas en ils chantuns.

Propostas sin maisa

La cussegliera federala Doris Leuthard ha fatg attent ch'era il Cussegl federal veglia schluccar las prescripziuns per edifizis ordaifer la zona da construcziun. Il Cussegl federal aveva tramess las propostas en consultaziun ed ord quest motiv proponì da refusar la moziun. Il Cussegl dals chantuns ha uss tuttina approvà la moziun, l’iniziativa dal chantun è dentant vegnida refusada. Uss sto il Cussegl naziunal tractar la moziun.

RR novitads 12:00