Siglir tar il cuntegn

Header

cuntegn

Midada da reglas Certificat senza test per persunas cun attest dal medi

Persunas che na pon betg sa laschar vaccinar u testar per motivs medicinals, pon da nov dumandar in attest dal medi. Quel vala lura sco certificat da Covid.

Quai pertutga tranter auter persunas cun autissem u trisomia. Fin uss n'avevan quellas persunas betg la pussaivladad da far diever da las purschidas che dovran in certificat. Il cusseglier naziunal da l'Allianza dal Center Christian Lohr ha proponì la midada da l'ordinaziun da corona. Bleras persunas cun impediments hajan tema da squittas ed ins na dastgia betg traumatisar ellas, di Lohr. Pervia da quai saja la schliaziun proponida praticabla e raschunaivla.

Questa schliaziun possia dentant er vegnir malduvrada da persunas che n’hajan nagins problems medicinals, ha ditg la cussegliera naziunala da la PS Flavia Wasserfallen. I na dastgia betg ir per ina tenuta persunala envers la vaccinaziun da corona.

Ils medis sajan conscients da lur responsabladad en quest connex, hai num davart la Federaziun dals medis svizzers FMH. Attests da favur na dettia betg. Tuttas dumondas vegnian examinadas da rudent.

RTR novitads 10:00

Artitgels legids il pli savens