Fin la fin da quest onn vegnan las 250 plazzas stritgadas, sco quai che la firma ha communitgà. Ina terza da las plazzas stritga Meyer Burger en Svizra, principalmain a Thun nua che la firma ha la sedia. Cun questa mesira vul l'interpresa spargnar ulteriurs 50 milliuns francs per onn.
Pertutgadas concretamain sajan las partiziuns da perscrutaziun e svilup, sco era l'organisaziun mundiala da vendita e service. La restructuraziun maini uschia ad ina structura d'interpresa fitg stretga. Uschia sappian els reagir pli svelt sin midadas entaifer il martgà.
L'industria solara è dapi intgins onns en ina crisa. Gia il 2011 haja la firma sminuì ils custs da persunal e da gestiun da 330 milliuns francs sin 210 milliuns. Tras questas mesiras haja la firma l'emprima gada dapi il 2012 puspè pudì far in gudogn da 6,2 milliuns en l'emprima mesadad dal 2016.
RTR novitads 08:00