L’iniziativa vul fixar en la constituziun il secret da banca aifer la Svizra. L'iniziativa periclitass tenor il Cussegl federal, ch'i vegn evaluà correctamain las taglias da la Confederaziun, dals chantuns e da las vischnancas.
Ella pudess plinavant avair consequenzas negativas en il cumbat cunter la lavada da daners nairs e la finanziaziun dal terrorissem. Grazia al secret da taglia saja la sfera privata protegida avunda.
L’iniziativa vegn sustegnida da represchentants da la PPS, da la PLD, da la PCD, da la Lega e dals giuven liberals. E sustegn datti era da l’Uniun svizra d'artisanadi e mastergn e da l’Associaziun svizra dals proprietaris da chasas. Sco proxim decida il parlament davart l’iniziativa «Gea a la protecziun da la sfera privata».
RR Novitads 12:00