L'uffizi federal per segirtad da mangiativas e fatgs veterinars communitgescha che las mesiras da prevenziun pervi da la grippa d'utschels vegnan abolidas davent da sonda. Las temperaturas pli miaivlas dapi l'entschatta mars ed ils blers utschels-migrants hajan bandunà lur quartiers d'enviern. Uschia sa reduceschia il privel da s'infectar per giagliom da chasa.
Las mesiras da prevenziun èn stadas en funcziun dapi ils 12 da november da l'onn passà. La maglia ed il da baiver per ils giagliom da chasa n'ha betg pudì esser accessibel per utschels selvadis. Plinavant han ins stuì tegnair separà aucas ed auters utschels curridurs dals auters utschels da chasa.
RR novitads 12:00