Siglir tar il cuntegn

Header

cuntegn

Mesiras cunter corrupziun Interpresas da petroli ston pajar multa da milliuns

La procura publica federala ha dà in mandat penal da 7 milliuns francs ad interpresas da petroli pervia da mesiras manglusas cunter corrupziun. Uschia n'hajan trais filialas svizzras da l'interpresa da petroli «SBM Offshore» betg fatg tut per impedir la corrupziun da persunas en uffizis en l'Angola, la Guinea Equatoriala e la Nigeria.

Sin basa da manglanzas gravantas en l'organisaziun interna da l'interpresa multinaziunala, n'hajan las trais filialas svizras betg evità questas acziuns da corrupziun tranter il 2006 e 2012. En tut eran da quel temp vegnids pajads passa 22 milliuns dollars – entras persunas intermediaras, firmas fictivas e cun agid da contracts fictivs da las trais filialas svizras. Ils daners derivan tenor la procura publica da contos da la SBM Holding Inc. SA.

Emploià da cader gia sentenzià il 2020

Quest mandat penal resulta d'ina sentenzia dal Tribunal penal federal dal fanadur 2020. Là aveva il tribunal sentenzià in emploià da cader dal conern SBM Offshore e da la SBM Holding Inc. SA per avair pajà daners da corrupziun ad in uffizial en l'Angola.

Il concern d'ieli multinaziunal SBM Offshore è spezialisà sin concepir, producir e commerzialisar sistems maritims ed equipament per l'industria d'ieli e gas.

RTR novitads 15:00

Artitgels legids il pli savens