Siglir tar il cuntegn

Svizra Mesa milliarda gudogn per Swiss Life

Il concern d'assicuranzas da vita Swiss Life a fatg ils emprims 6 mais da quest onn bunamain ina mesa milliarda francs gudogn. Quai munta in augment dad 1% cumpareglià cun la medema perioda da l'onn passà.

La sedia principala a Turitg dal concern d'assicuranzas da vita Swiss Life.
Legenda: La sedia principala a Turitg dal concern d'assicuranzas da vita Swiss Life. Keystone

Ed in augment annunzia Swiss Life era tar las entradas ch’il concern ha fatg cun las premias. Quellas èn cun 11 milliardas francs per 2% pli autas che l'emprim semester dal 2014. Ina pulita part da la creschientscha da las premias ha Swiss Life fatg en il martgà indigen, sco il concern scriva.

RR novitads 09:00