Siglir tar il cuntegn
Inhalt

Svizra Memia bletsch ils ultims dis da schaner

En tschertas regiuns en Svizra ha quai dapi ier pluvì uschè bler sco quai ch'i plova normalmain aifer in entir mais.

Dunna che spassegia cun in parasol tras las giassas.
Legenda: A Son Gagl hai pluvì 69 mm. Keystone

Las ultimas 48 uras ha quai per part pluvì sco da dar cun sadellas en Svizra. Cunquai croda il schaner ch'è ditg stà fitg sitg a la fin schizunt ora memia bletsch en tschertas regiuns.

Tenor SRF Meteo han surtut la Svizra centrala ed orientala sco er la regiun da Turitg survegnì ina gronda quantitad da plievgia.

A Sihlbrugg (Turitg) hai dapi il glindesdi damaun pluvì 65 millimeter. Ina gronda part anc il schaner. En cumparegliaziun: l’entir schaner plovi là en media 69 millimeter. Pia hai pluvì en dus dis a Sihlbrugg bunamain tant sco durant in mais.

Plievgia schaner en cumparegliaziun cun media onns 1981 fin 2010

Lieu
Schaner 2017
Media schaner
Differenza
Weissfluhjoch/GR141 mm
99 mm
143%
Zürich Fluntern80 mm
63 mm
127%
Glaruna106 mm
86 mm
122%
Lucerna62 mm
51 mm
121%
Son Gagl
69 mm
59 mm
118%

RR actualitad 10:00