Siglir tar il cuntegn
Inhalt

Svizra Memia bassas pajas per ils scolasts

Las pajas da las scolastas e dals scolasts svizzers sajan memia bassas cumpareglià cun l'economia privata u cun il servetsch public. Perquai pretenda la federaziun tetgala da las scolastas e scolasts Svizra in augment da paja ed in svilup da paja segirà.

In scolast instruescha in scolar.
Legenda: Ils scolasts gudognan memia pauc - in motiv per la mancanza da scolasts. Keystone

Sco la federaziun da las scolastas ed ils scolasts Svizra scriva saja la basa da las calculaziuns ina statistica internaziunala che mussia che scolastas e scolasts giuvens gudognan sulet trais quartas da las pajas d’emploiads cun scolaziun cumparegliabla.

Pajas bassas – damain scolasts

In svilup manglus da las pajas haja sco consequenza che la situaziun tar il persunal da scolaziun saja precara. Uschia pretenda la federaziun tetgala da fixar fin il 2018 cun ina lescha il svilup da paja. Uss duajan ils chantuns e las vischnancas auzar las pajas per las scolastas ed ils scolasts uschia ch’ellas saja cumparegliablas cun sumegliantas professiuns. Era duai la chareschia a partir dal 1993 vegnir equilibrada.

RR novitads 16:00