Siglir tar il cuntegn

Svizra Meglra communicaziun tranter La Posta ed ils chantuns

En l'avegnir duai La Posta Svizra infurmar transparentamain ed ad uras ils chantuns e las vischnancas sch'ella fa midadas vi da la rait d'uffizis postals. Quai recumonda ina gruppa da lavur da la Confederaziun en ses rapport.

Spurtegl da la Posta Svizra.
Legenda: La Posta duai porscher dapli pussaivladads da far pajaments al spurtegl. Quai cunzunt en citads. Keystone

Ultra da quai propona la gruppa in dialog regular tranter La Posta ed ils chantuns e che lezs possian prender posiziun. Vitiers duain las pussaivladads per far pajaments esser cuntanschiblas a pe pli spert, numnadamain aifer 20 minutas e betg aifer 30 minutas sco fin qua.

En pli duai La Posta Svizra avair en territoris urbans ina filiala u agentura pro 15'000 abitants u occupads. La cussegliera federala Doris Leuthard aveva stgaffì questa gruppa da lavur.

RR novitads 10:00