Ils medis crititgeschan cunzunt las limitas da temp che duain vegnir introducidas. Savens na bastia il temp fixà betg. Era la federaziun dals ospitals H+ crititgescha la midada da la tariffa da medis. Il Cussegl federal aveva annunzià quest emna d'adattar la tariffa da medis sin il cumenzament da l'auter onn.
Santésuisse relativescha l'effect da spargn
Tenor l'uniun tetgala da las cassas da malsauns Santésuisse na vegnia l'intervenziun dal Cussegl federal proabel betg ad avair per consequenza che las premias sa reduceschan l'onn che vegn.
L'emprim stoppian ins vesair ils respargn, uschia Santésuisse. Crodia l'effect da spargn ch'il minister da sanadad Alain Berset ora pli pitschen che 470 milliuns francs, smanatschia in augment da las premias il 2019.
RR novitads 15:00