Il BAG ha pudì reducir il pretsch per il medicament per 1/3 e perquai vegn ussa il medicament cunter hepatitis C pajà. Fin ussa pajava la cassa da malsauns il medicament be sche la malsogna da gnirom era avanzada u sche la malsogna sa manifestava era dador il gnirom. Cun quai pon uss tut ils infectads cun hepatitis C dal genotip 1 e 4, quai che fa ora var 60 pertschient dals infectads, vegnir tractads.
Custs da tractament
L'uffizi federal da sanadad publica ha cun Merck Sharp & Drohme pudì cuntanscher ina reducziun dal pretsch per 29,3 pertschient. In tractament custa en futur 30'952 empè da 47'690 francs.
La fin d'avrigl ha il BAC decidì da pajar davent dal mais matg era ad autras gruppas da pazients il medicament cunter hepatitis C.
RR novitads 14:00