Las duas chombras dal parlament federal èn sa cunvegnidas sin las reglas novas per il sustegn e la protecziun d’uffants. Il Cussegl naziunal ha approvà las midadas dal Cussegl dals chantuns.
En l'avegnir duai la dretgira avair la pussaivladad da conceder tar in divorzi era la protecziun alternanta. L’uffant pudess alura esser alternant tar il bab e tar la mamma. Era duajan uffants da partenaris betg maridads obtegnair ils medems dretgs sco uffants da pèrins maridads.