Siglir tar il cuntegn
cuntegn

Svizra Mazzà ina mattatscha da 4 onns

A Niederlenz en il chantun Argovia hai dà in drama da famiglia. Ina mattatscha da 4 onns è morta en consequenza da blessuras entras in cuntè. Quai communitgescha la polizia chantunala.

3 chasas quadraticas cotschnas, aura d'enviern
Legenda: En ina da questas chasas a Niederlenz è capità il drama. Keystone

Cura ch'ils servetschs da salvament èn arrivads la dumengia saira en la chasa da duas famiglias era la mattatscha gia morta en consequenza da sias grevas blessuras. En la chasa eran la mamma da 43 onns cun blessuras levas ed il bab da 44 onns cun grevas blessuras.

Il motiv ed il decurs dal delict vegnan ussa eruids da la polizia. Lezza è dal maini ch'i sa tractia d'in drama da famiglia. I na vegni betg tschertgà terzas persunas ha ditg il pledader da la polizia.
(RR novitads 15:00)