Svizra - Max Binder da la PPS na candidescha betg pli
Il cusseglier naziunal da la PPS da Turitg, Max Binder, na candidescha betg pli per las elecziuns l'october. Quai ha il pur da 67 onns dà enconuschent a la radunanza da l'uniun purila da Turitg.
Max Binder è dapi il 1991 en il Cussegl naziunal. Cun Binder banduna in da la garda veglia il Cussegl naziunal. Anc avert è sche ses collegas da questa garda, Hans Fehr, Toni Bortoluzzi ed Ernst Schibli, candideschan danovamain. Il cumbat per buns plazs da glista tar la PPS è grond.
