Siglir tar il cuntegn

Header

Navigaziun

Trump e Maurer
Legenda: Keystone
cuntegn

Svizra Maurer s'inscuntra cun Trump

Il president da la Confederaziun Ueli Maurer s'inscuntra oz surprendentamain cun il president american Donald Trump, ha communitgà il Departament federal d'affars exteriurs. Trump haja giavischà quest inscunter.

Maurer sgolia anc oz a Washington. Igl era gia planisà ch'el s'inscuntria durant il Forum mundial d'economia (WEF) a Tavau cun Trump. Lezza entupada era dentant vegnida spustada. Cunquai ch'i deva lura ina bloccada tar l'administraziun, in uschenumnà «shutdown» en ils Stadis Unids, n'era Trump betg vegnì al Forum mundial d'economia a Tavau.

Temas dal inscunter

Tenor las infurmaziuns a las medias veglian Trump e Maurer discutar davart temas bilaterals. Tranter auter discurrian els davart ina convenziun da commerzi tranter la Svizra ed ils Stadis Unids.

Per l'emprima giada en l'istorgia vegn il president da la Confederaziun beneventà en la Chas'Alva a Washington.

RR novitads 06:00