Maurer propona schuldads empè da guardias da cunfin

L'onn che vegn duain fin 50 schuldads sustegnair il corp da guardias da cunfin. Quai propona il cusseglier federal Ueli Maurer.

Il cusseglier federal Ueli Maurer durant sia conferenza da medias per la fin da l'onn.

Legenda da maletgs: Il cusseglier federal Ueli Maurer durant sia conferenza da medias per la fin da l'onn. Keystone

El na veglia betg engaschar militars en servetsch lung u schuldads che fan il curs da repetiziun, mabain militars da professiun. Quai sajan persunas cun ina scolaziun sumeglianta ad in polizist. Tenor Maurer avessan quests las medemas lezias sco il corp da guardias da cunfin. Ma els na faschessan betg patruglia al cunfin cun il schluppet d’assagl. Il departament da defensiun, il Cussegl federal ed il parlament duain anc approvar la proposta da Maurer. Maurer è dentant plain fidanza che quai grategia.

RR novitads 15:00