Siglir tar il cuntegn
cuntegn

Svizra Maurer crititgescha Raiffeisen

Il minister da finanzas, Ueli Maurer ha crititgà l'auzament da paja per il cussegl d'administraziun per 44%.

Purtret dad Ueli Maurer.
Legenda: Ueli Maurer crititgescha la banca Raiffeisen. Keystone

Il minister da finanzas Ueli Maurer ha crititgà il cussegl d’administraziun da la banca Raiffeisen. L’auzament da la paja per 40% na saja en connex cun il cas da Pierin Vincenz betg propi sensibel, ha Maurer ditg a la gasetta Zentralschweiz am Sonntag. El na chapeschia betg questa decisiun. Las turbulenzas da la banca fetschian donn vid la fidanza da l’economia e la populaziun, ha ditg Maurer.

Protestà uffizialmain questa decisiun n'ha Maurer dentant betg. I na saja betg il pensum dal cussegl federal da sa maschadar en qua. Vinavant na vesa Maurer betg sbagls tar la surveglianza dal martgà da finanzas, FINMA.

RR novitads 12:00