Siglir tar il cuntegn
cuntegn

Svizra Maudet vul dapli policists per la Svizra

La Svizra dovra radund 2'000 ulteriurs policists ed ina reserva da polizia naziunala. Quai per far frunt a la criminalitad da cyber e per dumagnar concurrenzas grondas sco il WEF a Tavau. Quai ha ditg Pierre Maudet en in’intervista cun la «NZZ am Sonntag».

Purtret da Pierre Maudet.
Legenda: Pierre Maudet vul augmentar il dumber da policists en Svizra. Keystone

En relaziun cun auters stadis europeics haja la Svizra damain policists. Sin 1 policist vegnan en Svizra 455 abitants. En la media da l'Europa sajan quai 277 abitants. Maudet ha plinavant declerà ch'il chantuns sajan per part a la limita era cun eveniments gronds che sajan planisabels. Cun ina reserva naziunala possian forzas supplementaras vegnir activadas en cas d'urgenza.

Ils daners per dapli policists sajan avant maun. La Confederaziun haja fatg l’onn passà in surpli da 9 milliardas francs. Ina part da quai possia vegnir investì en la segirezza.

RR novitads 10:00