En plirs chantuns ston tgiradras e geniturs purtar ina mascra da protecziun en canortas d’uffants. Quest obligatori pudess dentant donnegiar il svilup dals uffants, crititgeschan experts. La psicologa dal svilup, Heidi Simoni, discurra envers Radio SRF d’ina schliaziun provisorica. Ella pledescha per pausas da purtar mascras – quai surtut tar l’accumpagnament d’uffants sut dus onns.
Tenor il medi chantunal da Friburg, Thomas Plattner, stettia il mument la sanadad sur tals dubis pedagogics. Ina finamira da l’obligatori da mascras saja er d’evitar che las canortas stoppian vegnir serradas.
En Grischun na datti nagin obligatori da mascras en canortas.
Ord l'archiv
Il mars, gist cura ch'il coronavirus è vegnì in grond tema, ha RTR rapportà sur da la situaziun da las canortas. Pli tard ha il chantun annunzià da sustegnair las canortas cun in milliun francs.