Siglir tar il cuntegn

Header

Navigaziun

La ruta da sgol da la maschina LX92 registrada dal Flightradar24.
Legenda: La ruta da sgol da la maschina LX92 registrada dal Flightradar24. www.Flightradar24.com
cuntegn

Svizra Maschina da la Swiss ha stuì atterrar urgentamain a Dakar

In aviun da la societad aviatica Swiss ha stuì atterrar urgentamain sin la plazza aviatica da Dakar la chapitala dal Senegal. Il sgol era da viadi da Turitg a Sao Paulo en Brasilia.

Ina pledadra da la Swiss ha confermà quai sin dumonda da SRF. Uschia haja il sgol LX92 da viadi da Turitg a Sao Paulo stuì atterrar pervi da problems cun la pumpa da cherosin.

Pilot ha stuì reagir a moda brusca

Tenor indicaziuns da Flightradar24, ina pagina d’internet che mussà tut ils aviuns en l’aria, ha il pilot entaifer radund tschintg minutas manà l’aviun d’ina autezza da radund 10’000 meters sin ina autezza da radund 3’000 meters. Il sgol ch’è partì da Turitg ier saira a las 22:12 è atterrà a Dakar a las 05:00 temp local.

A bord da l'aviun eran 215 persunas tuttas sajan en gamba, ha confermà la pledadra da la Swiss. Ussa vegnia tschertgà la meglra schliaziun pussaivla per ch'ils passagiers possian cuntinuar lur viadi. Il mument èn els bloccads a Dakar.

RR novitads 09:00