Siglir tar il cuntegn
Inhalt

Svizra Martin Bäumle sto sa responsar avant dretgira

Il president dals verdliberals e cusseglier naziunal Martin Bäumle sto ir avant dretgira pervi da violaziun dal secret d'uffizi. La procura publica da Turitg rinfatscha a Bäumle d'avair dà vinavant il 2011 extracts dal register da scussiun ad in schurnalist.

purtret da Martin Bäumle
Legenda: Martin Bäumle duai avair violà il secret d'uffizi. Keystone

Ils extracts pertutgavan ina firma da construcziun che leva construir in sgrattatschiel dispitaivel. Tenor quels aveva la firma avert scussiuns en l'autezza da milliuns.
Quai era vegnì public paucs dis avant ina votaziun dal pievel nua ch'il project per il sgrattatschiel è vegnì refusà.

RR novitads 14:00