«Marsch per la vita» a Berna

Adversaris dal abort èn sa radunads sin la plazza federala a Berna. La polizia ha serrà giu cumplettamain la plazza federala per evitar ina cunfruntaziun cun ina cuntrademonstraziun. Tenor ils organisaturs èn 1'700 persunas sa participadas a la manifestaziun.

la manifestaziun sin la Plazza federala.

Legenda da maletgs: Var 1'700 persunas han demonstrà a Berna sin la Plazza federala per il «Degn da viver l'entira vita». Keystone

Per l’emprima giada è il «marsch per la vita» vegnì organisà d'in comité surconfessiunal da cristians da l'entira Svizra en la chapitala da Berna. La manifestaziun paschaivla sin la plazza federala ha cuzzà duas uras. In marsch atras la citad ha la polizia chantunala dentant scumandà ord motivs da segirtad.

Ils demonstrants han cumbattì l’abort en general ed en spezial la diagnostica prenatala. «I saja ina tragedia che uffants cun in impediment vegnian surlaschads a la mort», scrivan ils organisaturs a las medias.

Polizia cun in'acziun a l'engronda

Ina cuntrademonstraziun vuleva disturbar la manifestaziun serrada sin la plazza federala. Pliras tschient persunas han empruvà da disturbar la manifestaziun cun tschivlots, tibas e cun sbragir. La polizia ha dentant tegnì sut controlla ils cunterdemonstrants. Tenor infurmaziuns da la polizia n'haja dà nagins incaps.

RR novitads 16:00