Siglir tar il cuntegn

Svizra Mariano Tschuor è nov president da la fundaziun "Denk an mich"

Il cussegl da la fundaziun ha nominà el sco successur dad Iso Rechsteiner ch'è sa retratg la fin da fanadur 2015.

Mariano Tschuor daventa nov president da la fundaziun "Denk an mich".
Legenda: Mariano Tschuor daventa nov president da la fundaziun "Denk an mich". SRF/Oscar Alessio

Mariano Tschuor daventa il nov president da la fundaziun "Denk an mich". Quai ha communitgà il cussegl da la fundaziun. Tschuor succeda ad Iso Rechsteiner ch'è sa decidì da daventar independent. Rechsteiner era 4 onns a la testa da la fundaziun.

Mariano Tschuor lavura dapi plirs onns per la SRG/SSR. El è stà directur dad RTR ed è ussa commember da la direcziun generala da la SSR.

L'incumbensa principala da la fundaziun "Denk an mich" è dad organisar vacanzas e purschidas da vacanzas per umans cun restricziuns u impediments.

RR novitads 17:00