La societad aviatica Swiss ha gudagnà marcantamain dapli l'onn passà. La svieuta è creschida per 1% sin passa 2,5 milliardas francs, communitgescha la Swiss.
Il gudogn saja schizunt s'augmentà per 31% sin 347 milliuns francs. La raschun per questa cifras positivas saja surtut la politica d'amortisaziun che saja vegnida adattada. Da nov vegnan ils aviuns da la societad mamma, la Lufthansa, amortisads sur 20 onns enstagl da 12 sco enfin qua. Senza quest effect fiss il gudogn stà sut quel da l'onn avant.
