Siglir tar il cuntegn

Svizra Marca da cult Zimtstern chala

Il davos temp saja la fatschenta da sport d'enviern sa sminuida en l'entira Svizra, betg sco ultim l'interess dals snowboardists. E pervi dal ferm franc haja Zimtstern gì grev da s'etablir en ils ulteriurs pajais europeics. Il manader da fatschenta ha confermà retschertgas da SRF.

Buttia da Zimtstern
Legenda: Zimtstern è vegnì fundà il 1995 en ina garascha en l'Argovia. Keystone

L'actuala collecziun d'enviern è cun quai la davosa. La stad vegnia pli probabel a dar la davosa collecziun per mountainbikers. Qua datti anc speranza sin ina schliaziun. Indesch persunas perdan lura plazza. Els èn vegnids infurmads l'atun 2017 e per la fin d'avrigl han els obtegnì la desditga. Intgins han gia bandunà la fatschenta, ils blers restan dentant fin la fin a bord.

Zimtstern è vegnì fundà il 1995 da Thomas Meyer e Reto Kuster en ina garascha en l'Argovia. L'entschatta era la vestgadira cunzunt appreziada dals snowboardists. Successivamain ha Zimtstern era producì sper moda da sport d'enviern chapitschas, tastgas, vestgadira per temp liber e vestgadira d'ir cun velo. Pli tard han ils fundaturs vendì la firma.

RR novitads 15:00