Siglir tar il cuntegn

Header

cuntegn

Mancanza d'energia Er ieli da stgaudar pudess mancar la primavaira

L’enviern che vegn na pudessan betg mo gas e forza electrica mancar, mabain er l’ieli da stgaudar. Quai scriva la «SonntagsZeitung». La raschun: I manchia camiuns e manischunzs.

La Confederaziun fa quitads che blers tancs d’ieli pudessan esser vids la fin da l’enviern. Pervi dals auts pretschs d’ieli n’hajan blers proprietaris da chasas betg emplenì lur tancs u mo per la mesadad. Quai pudess avair consequenzas l’auter favrer u mars.

Sche proprietaris da chasas e gestiunaris d’agregats da forza electrica d’urgenza e d’implants per duas funtaunas d’energia dovrian lura tuttenina tuts il medem mument ieli, hajan ils furniturs memia paucas capacitads.

Tenor Rolf Hartl, il president da l’organisaziun per reservas obligatoricas da l’economia da petroli svizra, fiss quai dentant in cas absolut extrem.

audio
Per tadlar: las novitads da las 11:00
ord RTR Audio dals 02.10.2022.
laschar ir. Durada: 4 minutas 18 Secundas.

RTR novitads 11:00

Artitgels legids il pli savens