Siglir tar il cuntegn
Inhalt

Svizra Mammut stritga 24 plazzas a Seon en l’Argovia

Il producent d'artitgels d'alpinissem Mammut venda sia producziun da sugas da raiver en l'Austria. Il concurrent austriac Teufelberger surpiglia questa sparta da Mammut per l'entschatta da settember 2016, ha communitgà l'interpresa svizra. En consequenza stritga Mammut a Seon (AG) 24 plazzas.

La firma svizra Mammut datti dapi 150 onns.
Legenda: La firma svizra Mammut impieghescha il mument anc 566 collavuraturs. Keystone

Mammut argumentescha quest pass tranter auter cun il ferm franc svizzer. La firma Mammut è sa sviluppada dad ina firma da sugas tar in producent d'artitgels da sport da muntogna e da vestgadira outdoor. Ella exista dapi 150 onns.

RR novitads 10:00