Malgrà scandal resta VW l'auto il pli popular

Malgrà il scandal da svapur resta Volkswagen la marca d'autos la pli populara en Svizra.

logo vw

Legenda da maletgs: VW ha bain pers cumpart fiera en la Svizra, è però anc adina a la testa da la tabella en Svizra. Keystone

Dals passa 320'000 autos immatriculads danov il 2015 en Svizra èn stgars 13% stads da la marca VW. Quai communitgeschan las duas uniuns «Auto-Svizra» e «Libra vendita d'autos svizra».

Cumpareglià cun l'onn avant è la vendita d'autos da VW bain ida enavos per 0,5%. Dentant resta ella anc adina cleramain avant ils concurrents da BMW cun 7,4% e Mercedes cun 7,2%.

RR novitads 17:00