Siglir tar il cuntegn

Svizra Malgrà plievgia anc adina memia sitg

En Svizra èsi anc adina memia sitg, quai malgrà ch'i ha puspè pluvì las ultimas 72 uras.

setgira en svizra
Legenda: La mancanza da plievgia da questa stad è considerabla, er il tirc ha patì da la setgira. Keystone

Tenor SRF Meteo è il quantum dentant stà fitg different. La blera plievgia hai dà en las alps da la Svizra franzosa, il pli pauc han survegnì las regiuns en il nord-ost.

La mancanza da plievgia da questa stad è considerabla, il mument manca ina quantitad dad in mais e mez, uschia SRF Meteo.

Il privel d'incendis da guaud è perquai anc adina fitg grond ed en las bleras parts dal Grischun regia vinavant in scumond absolut da far fieu.