Svizra - Malgrà in terz dapli svieuta, fa Orascom damain gudogn
Il concern d'immobiglias e gestiunari d'hotels, Orascom ha fatg in terz dapli svieuta ils emprims 9 mais da l'onn. Dal schaner fin il settember munta la svieuta a 246 milliuns francs.
Pervi da gronda perditas tar participaziuns ha la gruppa da l'investider egipzian, Samih Sawiris però gudagnà damain cun 3,9 milliuns francs. L'onn avant aveva Orascom anc fatg in gudogn da passa 36 milliuns francs. Sco quai ch'il concern scriva, hajan ins surtut da cumbatter cun la situaziun politica suenter las attatgas da terror en l'Egipta.
