Siglir tar il cuntegn

Header

cuntegn

Svizra Malgrà dispita in onn da record per Sika

Il furnitur da material da construcziun Sika ha augmentà l'onn 2015 il gudogn, malgrà il cumbat cunter l'acquisiziun, e quai per 5,4% sin 465 milliuns francs. Uschia surpassa Sika gia puspè il gudogn da record da l’onn 2014.

La svieuta da Sika è dentant sa reducida per 1,5% sin 5,5 milliardas. La raschun persuenter saja il ferm franc, communitgescha l'interpresa. Tuttina duain ils acziunaris profitar d’ina dividenda pli auta. Ils analists da las bancas spetgan che la valita da las aczias da Sika crescha en vista als resultats 2015.

2015 era l'onn da dispita

La direcziun da Sika sa dosta vinavant cunter l'acquisiziun da l'interpresa entras Saint-Gobain. La famiglia fundatura perencunter vul vender ses pachet d'aczias per 2,75 milliardas francs al concern franzos. La fin finala vegnan las dretgiras a decider davart il futur da Sika.

RR Novitads 08:00

Artitgels legids il pli savens