Siglir tar il cuntegn
Inhalt

Svizra Malauras 2016: Donns da var 100 milliuns francs

Uschia saja il 2016 il novavel onn en seria cun donns da malauras relativamain bass en relaziun cun ils donns sur onns. Quai communitgescha l’Institut federal per la perscrutaziun da guaud, naiv e cuntrada.

In purtret da la Val.
Legenda: Bovas – qua quella da la Val Parghera tranter Cuira e Domat – pisseran en Svizra regularmain per donns auts. Keystone

Ils custs da 100 milliuns sa cumponan per 69% da donns tras temporals ferms (media 39%) e per 25% da donns tras precipitaziuns sur pli lung temp (media 57%).

Ils donns, ch’ils temporals ferms u las precipitaziun sur pli lung temp causeschan en per la pli gronda part auazuns e bovas, numnadamain per 94%. Patì da quests donns han cunzunt ils chantuns Basilea-Champagna, Argovia e Sviz.

Donns annuals actualmain tranter 20 e 145 milliuns

En ils onns 1972 enfin 2015 era la media da la summa da donns chaschunads tras malauras tar 310 milliuns francs. L’onn 2007 era l’ultim onn cun ina summa annuala fitg auta pervi da privels da natira – numnadamain era quella tar 700 milliuns francs. Dapi lura sa muentan las summas tranter 20 e 145 millliuns francs.

Datas vegnan rimnadas dapi il 1972

Quai mussa la banca da datas da malauras da l’Institut per perscrutaziun da guaud, naiv e cuntrada. En quella rimna l’institut dapi il 1972 sistematicamain infurmaziuns da donns suenter malauras.

RR novitads 12:00