Siglir tar il cuntegn

Svizra Majoritad renviass l'iniziativa da daner cumplain

L'iniziativa da daner cumplain fiss vegnida renviada cun 54% da las vuschs, sch'i fiss vegnì vuschà mez matg. Quai demussa la segunda retschertga da Tamedia. Tar la lescha da gieus da daners pudessi dar ina decisiun stretga.

Maun metta cedel da votar en l'urna.
Legenda: Lescha da gieus per daners stat sin chommas falombras ed in trend ad in Na tar l'iniziativa per il daner cumplain. Keystone

47% avessan ditg Gea u plisost Gea e 47% Na u plitost Na a la lescha da gieus per daners, sch'i fiss vegnì vuschà mez matg. 6% n'èn anc betg sa decidids, uschia la retschertga da la Tamedia. Uschia han ils aderents gudagnà terren dapi la davosa retschertga la fin d'avrigl.

Tar l'iniziativa da daner cumplain sa mussa radund trais emnas avant la votaziun in trend tar in Na. La fin avrigl eran las vuschs anc gulivadas. Il champ dals adversaris è pia creschì: Actualmain mettessan 54% dals votants in Na u plitost in Na en l'urna. La quota dals aderents munta be pli a 39%. 7% n'èn anc betg sa decidids.

Votaziuns federalas 10-06-2018

RR novitads 07:00