Maison de la Suisse è averta

In di avant il cumenzament dal campiunadi europeic da ballape en Frantscha avra a Paris il House of Switzerland u Maison de la Suisse. La chasa sa numna «Wanderlust» ed è situada en il center da Paris, directamain a la riva dal flum Seine.

aissa cun l'inscripziun House of Switzerland Paris 2016

Legenda da maletgs: La «Maison de la Suisse» ha avert sias portas a Paris. mad

Cun la plattafurma per promover il pajais duain vegnir tgiradas las relaziuns bilateralas cun la Frantscha ed i vegn offrì activitads culturalas, uschia scriva Präsenz Schweiz, la partiziun per la communicaziun dal pajais aifer il Departement federal per affars exteriurs.

Il program cultural vegn creà dal festival da jazz da Montreux, dal festival da film da Locarno, dals Théâtres Vidy e Arsenic da Losanna, la festival Montreux-Comedy sco era dal Fond per l'art modern da la citad da Genevra.

E natiralmain vegnan er mussads ils gieus da ballape en il House of Switzerland a Paris.

RR novitads 15:00