L'iniziativa No Billag sbittada cleramain la dumengia passada ha be chattà ina maioritad tar votants e votantas da la PPS. Quai tenor in'analisa fatga da la chasa editura Tamedia. 55% dals aderents da la PPS hajan ditg gea a l'iniziativa. Tut las ulteriuras partidas hajan ditg na a l'iniziativa. Il pli cler han votantas e votants da la PS ditg na – sulettamain 9% dad els han mess in gea en l'urna.
In pau sur la media, numnadamain cun 34%, han er ils votants en la vegliadetgna da 35 fin 49 onns vuschà per l'iniziativa. Persunas che vivan en la champagna han vuschà cun 34% gea, abitants da las citads cun 31% e tals da las aglomeraziuns cun 25%.
RR novitads 07:00