Siglir tar il cuntegn

Header

statistica en pettas
Legenda: Mintga terz vul il modell «status quo»; mintga 5avel vul 2 PPS enstagl dad 1 PBD. RTR
cuntegn

Svizra Maioritad fitg relativa per Cussegl federal sco ussa

Ter la constellaziun en il Cussegl federal datti pliras rispostas. Levet sin plaz 1 è il «status quo» - pia la constellaziun actuala - cun 29% dals dumandads. Datiers cun 21% è però la constellaziun cun las pli grondas partidas tenor fermezza - pia senza PBD, persuenter in segund PPS.

audio
Saira: Ultim trend d'elecziuns - Cussegl federal
ord Actualitad dals 07.10.2015.
laschar ir. Durada: 4 minutas 20 Secundas.

In resultat cler na dattan las respostas da las persunas dumandadas betg. Quai tar nagina da las 5 variantas proponidas en las intervistas.

«Status quo» (29%) pli giavischà che 1 dapli per PPS (21%)

Il meglier resultat survegna il «status quo» cun 29%. Betg lunsch davent è la varianta senza PBD persuenter in segund da la PPS cun 21%. La varianta senza PBD persuenter in segund PCD survegna mo 15% acclamaziun. Tut las autras cumbinaziuns na vegnan strusch en dumonda.

Il modell «status quo» vegn sustegnì il pli fitg dad electurs PBD, PS e PCD.
Legenda: Il modell «status quo» vegn sustegnì il pli fitg dad electurs PBD, PS e PCD. RTR

La basa n'ha però anc betg decidì

La preferientscha dal modell dependa sa chapescha, nua che la persuna dumandada sa posiziunescha.

La varianta da bittar la PBD or dal Cussegl federal en favur dad in segund sez per la PPS ha bain il sustegn dals electurs da la PPS, survegn però era succurs da la PLD. Propi sa decidida n'è la basa da la PLD però anc betg, cunquai che 30% prefereschan il «status quo» e 29% vulan la midada tar il segund sez per la PPS.

La retschertga

Sin incumbensa da la SRG SSR ha l'institut gfs.bern fatg la retschertga cun 2'011 intervistas tar votantas e votants cun domicil en Svizra,
tranter ils 23 ed ils 30 da settember 2015. La selecziun è vegnida fatga tenor criteris
represchentativs.

1'253 persunas han ditg ch'ellas veglian sa participar a las elecziuns. La toleranza tar ils resultats da las intervistas munta a +/- 2,2%.

Artitgels legids il pli savens