Svizra - Maioritad cunter iniziativa per il repatriament effectiv
La gronda maioritad dal Cussegl dals chantuns s'engascha en il cumbat cunter l'iniziativa per il repatriament effectiv da la PPS. Quai scriva la gasetta NZZ am Sonntag e sa basa sin ina decleranza ch'è suttascritta da 40 dals 46 commembers da la chombra pitschna.
L'iniziativa che pretenda l'expulsiun automatica da persunas estras sentenziadas tar in entir catalog da delicts, violeschia principis giuridics fundamentals, la convenziun dals dretgs umans e la cunvegna per la libra circulaziun da persunas. Uschia statti scrit en la decleranza ch'enumerescha ina entira retscha d'arguments cunter l'iniziativa. Il suveran svizzer votescha ils 28 da favrer davart l’iniziativa da la PPS.
