Siglir tar il cuntegn
Inhalt

Svizra Luf uss er el visier en il chantun Appenzell Dador

Suenter ils chantuns Grischun, Son Gagl e Tessin ha uss era il chantun Appenzell Dador lubì da sajettar il luf M75.

Il luf M35.
Legenda: Po dar ch'i va cun il luf M75 tuttina sco cun M35 (maletg) ch'è vegnì sajettà l'onn 2013 en il chantun Vallais. Keystone

Quai communitgescha KORA, l'uniun che s'occupa tranter auter dal management da selvaschina. Dapi l'entschatta da l'onn ha quest luf stgarpà almain 55 nursas en quests chantuns. Pertutgadas èn muntaneras survegliadas en claus segirads ed er en la vischinanza da chasas. En il chantun Appenzell Dador han differents lufs stgarpà dapi l'onn 2014 sis nursas.

Ch'i sa tracta tar il luf che ha stgarpà quellas nursas dal M75 ha pudì vegnir cumprovà cun analisas da DNA. Il permiss da sajettar da l'Appenzell Dador è valaivel durant 30 dis. Il permiss en il Grischun è scadì la dumengia passada.

RR novitads 11:00