Siglir tar il cuntegn

Header

Navigaziun

charta dal Grischun nua ch'ins ha tut vesì il luf
Legenda: Sin basa da las datas da l'Uffizi da chatscha e pestga dal Grischun fin il 2016. RTR
cuntegn

Svizra Luf resta protegì

Il cussegl dals chantuns ha refusà la moziun da l'anteriur cusseglier dals chantuns vallesan René Imoberdorf. La moziun avess pretendi dal Cussegl federal da midar la lescha uschia ch'i fiss stà pussaivel dad ir a chatscha sin il luf durant l'entir onn.

Quai malgrad che la cumissiun per ambient, planisaziun dal territori ed energia aveva approvà la moziun. Il Cussegl dals chantus ha refuà la moziun cun 26 cunter 17 vuschs.

Ils adversaris da la moziun han argumentà che la protecziun dals lufs saja gia vegnida schluccada. Las mesiras sajan sin buna via.

Legenda: Guardar il video Nagina chatscha sin il luf - debatta en Chasa federala. Durada 02:34 minutas.
Or da Telesguard dals 09.03.2016.

Dapi la stad passada dastgan p. ex. lufs giuvens d'in triep vegnir sajettads, sch'els sa chattan regularmain en la vischinanza da lieus.

Sustegn dentant er critica per la moziun ordavant

Legenda: Guardar il video La politica da e cunter il luf sur ils onns. Durada 02:36 minutas.
Or da Telesguard dals 09.03.2016.

Plirs cussegliers dals chantuns avevan signalisà da sustegnair la moziun ordavant. Tranter auter er il cusseglier dals chantus Martin Schmid. I saja uras da far squitsch sin il Cussegl federal per che lez presenti finalmain ina proposta per ina lescha suenter che gia pliras moziuns sajan vegnidas acceptadas.

Per cusseglier dals chantuns Stefan Engler era la moziun dentant memia radicala. Tenor el saja da dar temp uss al Cussegl federal per realisar las moziuns gia acceptads. Tranter quellas è er ina moziun dad Engler sez ch pretenda da midar la lescha da chatscha uschia ch'i è pussaivel da reglar il dumber da lufs che vivan en trieps.

Legenda: Guardar il video L'ultim luf sajettà en il Grischun (29-09-2001). Durada 01:57 minutas.
Or da RTR dals 09.03.2016.