Siglir tar il cuntegn

Svizra Luf M75 è guntgì en la Turgovia

Il luf M75 ha mazzà pliras nursas en il chantun Turgovia la fin da favrer entschatta mars, quai mussan las cumprovas da DNA scriva l’uffizi chantunal da chatscha da la Turgovia.

Legende: Video Il viadi dal luf M75 abspielen. Laufzeit 0:18 Minuten.
Or da RTR dals 07.04.2017.

Il luf M75 vegn si da l’Italia ed è uschia nagin luf ord il triep dal Calanda, scriva l’uffizi. Dapi ils 3 da mars na dettia quai nagins indizis dal luf pli en il chantun Turgovia. L'entschatta avrigl è il luf stà en il chantun Turitg.

Ils 12 da mars saja il luf M75 vegni cumprovà en il Grischun a Langwies.
Dapi ils 22 da mars ha il chantun Grischun ed il chantun Tessin lubì da sajettar il luf M75 ma fin uss senza success.

RR novitads 12:00