Siglir tar il cuntegn
Inhalt

Svizra Lucerna resta tar duas linguas estras en scola

En il chantun Lucerna emprendan ils uffants vinavant englais e franzos en scola primara.

Vocabulari englais.
Legenda: Uffants da la terza classa a Lucerna emprendan vinavant englais. Keystone

Ils uffants en il chantun Lucerna emprendan vinavant davent da la terza classa englais e davent da la tschintgavla classa franzos. Il suveran ha refusà l'iniziativa dal pievel per mo ina lingua estra sin stgalim primar e quai cun prest 58% da las vuschs.

L'iniziativa era vegnida lantschada da represchentants da pliras partidas sco er da magisters ed interprendiders. 57,64% (77'062 tar 56'640 vuschs) han detg na. La participaziun a la votaziun era 50,3%.

La regenza chantunala era cunter l'iniziativa. Ella aveva annunzià da spustar l'instrucziun d'englais sin il stgalim superiur sche l'iniziativa vegnia acceptada. Il franzos haja ord motiv da la solidaritad naziunala prioritad.

RR novitads 14:00