Siglir tar il cuntegn
cuntegn

Svizra Lubì emprovas cun mailers resistents cunter il fieu bacterial

L'Uffizi federal d'ambient ha permis da far l'experiment sut cundiziuns realas davart niz e ristg da mailers midads geneticamain. Agroscope po experimentar fin la fin dal 2021 cun quests mailers che han survegnì in gen d'in mail selvadi. Il gen è resistents cunter il fieu bacterial (Feuerbrand).

ina harassa cun plantinas da mailars midads geneticamain
Legenda: Ils mailers manipulads geneticamain, ils uschenumnads mailers cisgens. mad

Il fieu bacterial è la pli nauscha malsogna da mailers e pairers. Il virus na sa lascha betg pli extirpar. Ord quai motiv è vegnì midà il cumbat cunter il fieu bacterial ad in management dal fieu bacterial, uschia scriva il BAFU. Experts da tut il mund èn interessads vid novas vias per cumbatter la bacteria, uschia era Agroscope.

Da mail a mail

Finamira da l'emprova sut cundiziuns realas (Feldversuch) è da guardar, sch'i gartegia da producir ord ina sort mail suttaposta al fieu bacterial, ina sort mail resistenta a la malsogna. E quai senza midar autras caracteristicas da la sort. I va per il gen resistent al fieu bacterial FB_MR5 dal mail selvadi Malus x robusta 5. La gruppa d'experts da l'ETH Turitg ha integrà quest gen a la sort da mail «Gala Galaxy».

L'emprova sut cundiziuns realas vegn fatga a Reckenholz a Turitg e sut la premissa ch'i na dat nagin sgol da pollen.

RR novitads 14:00