Siglir tar il cuntegn
cuntegn

Svizra Lonza surpiglia Capsugel

Il concern da chemia speziala da Basilea Lonza ha survegnì tut ils consentiments per surprender l'interpresa americana Capsugel.

La part sura da la cas'auta da Lonza a Basilea cun il logo da Lonza.
Legenda: Lonza po surprender Capsugel. Keystone

Il concern da chemia speziala Lonza po terminar la pli gronda surpigliada en l'istorgia da l'interpresa. Els hajan survegnì da tuttas autoritads il consentiment d'astgar cumprar l'interpresa americana Capsugel per 5,5 milliardas dollars. Quai communitgescha Lonza.

La transacziun vegnia mess sut tetg ils proxims dis. Lonza finanziescha la cumpra ord agens meds ed er esters. Capsugel producescha capslas ed auters products per dar medicaments ed occupescha 3'600 persunas.

RR novitads 08:00