Siglir tar il cuntegn

Svizra Lonza cumpra firma americana per 300 milliuns dollars

Quai per raschuns strategicas. L'interpresa Interhealth producescha cunzunt ingredienzas da mangiativas per promover la sanadad.

Logo da Lonza.
Legenda: Il concern svizzer expandescha en ils Stadis Unids. Keystone

Il producent svizzer da substanzas chemicas e farmazia Lonza cumpra la firma americana Interhealth per 300 milliuns dollars. L'interpresa da la California producescha surtut ingredienzas da mangiativas per promover la sanadad. Interhealth porscha passa 15 products cun protecziun da las marcas.

Pass strategic

Cun questa acquisiziun fetschia Lonza in ulteriur pass sin sia via strategica da porscher products d’auta qualitad per l'entir sectur dal provediment da sanadad. Ultra da quai augmentia Lonza cun questa acquisiziun sia purschida sin ulteriurs secturs Quai communitgescha il concern cun sedia a Basilea.

Da la acquisiziun spetga Lonza sinergias considerablas. La surpigliada duaja esser terminada in settember.

RR novitads 09:00