Siglir tar il cuntegn
cuntegn

Svizra Logitech expandescha - cumpra «Jaybird» per 50 milliuns dollars

Il producider d'artitgels accessorics per computers Logitech expandescha sin il martgà da products electronics purtabels, sco per exempel uras da fitness. Perquai cumpra el l’interpresa americana «Jaybird» cun sedia a Salt Lake City en ils Stadis Unids per 50 milliuns dollars.

Il schef da Logitech Bracken Darrell.
Legenda: Impressiunà - cumprà: Il schef da Logitech Bracken Darrell è persvas da la cumpra da la fatschenta americana. Keystone

Tut tenor sche las finamiras dadas vegnian cuntanschidas, paja Logitech ulteriurs 45 milliuns dollars. Quai ha communitgà il concern svizzer.

La firma «Jaybird» è vegnida fundada l’onn 2006 e saja l’actur principal sin il martgà d’electronica purtabla d’audio per activitads sportivas. Sco Logitech scriva, saja lur schef Bracken Darrell impressiunà da la tecnologia, dals products e da la reclama da Jaybird.

Communablamain vegnian ins a nizzegiar las schanzas dal martgà d’electronica purtabla, la quala creschia sveltamain.

RR novitads 10:00