Siglir tar il cuntegn

Header

Navigaziun

Legenda: Tadlar il audio Betg mo lobists fan lobbying, era ils parlamentaris.. Durada 02:56 minutas.
Or da Actualitad dals 16.03.2017.
cuntegn

Svizra Lobbying tranter parlamentaris

Plain mirveglias è l’atmosfera en la «sala dals pass pers» en la chasa federala a Berna. I vegn speculà: Politichers, schurnalists u lobists, tuts che fan quints sco la refurma da rentas vegn alura decisa.

Tranter politichers vegn empruvà da persvader. En emprima lingia natiralmain ils collegas ch'èn anc intscherts. Plitost ils Verd-liberals ed ils purs en il parlament èn vegnids tractads da lur collegas. Els han laschà il pli lung temp da decider. I saja vegnì empruvà influenzar da tut las varts: Il pli fitg en discurs persunals.

Thomas Weibel, Verdliberals, Turich
Legenda: Thomas Weibel Verdliberals, Turitg Keystone
E-mails na datti tranter parlamentaris betg, quai dess indizis ch'ins pudess duvrar pli tard sco documents...Ma i ha dà fitg blers discurs persunals.
Autur: Thomas WeibelCusseglier naziunal

Ma mesemna saira ha la Partida verd-liberala decis dad approvar la refurma. Però betg perquai che quella correspundess a lur ideas, mabain plitost per betg pli laschar ir ina refurma da l’aua giu. Il pievel duaja decider.

Il gea dals Verd-liberals pudess esser decisiv per cha la refurma vegnia tras. Dentant betg mo ils Verd-liberals han laschà en sin il lobbying da lur collegas or da la politica. Era ils purs. Ina part dad els na suonda betg a las ideas da lur partidas. Era tut vuschs che pudessan esser decisivas per la refurma. Dentant sch’ins taidla in zic enturn tar ils purs alura sa mussa ina tendenza encunter la refurma.

PPS, Vad
Legenda: Alice Glauser-Zufferey PPS, Vad Keystone
Jau ma hai laschà temp da decider. Dentant na vai jau betg laschà influenzar tant da mes collegas parlamentaris, plitost da mes conturns privats.
Autur: Alice Glauser-ZuffereyCussegliera naziunala

Grond temp na resta betg pli per ils gieus strategics dals parlamentaris. Gea u na vegn decis gievgia.

Per rablar tras la refurma ston tuttas dus chombras dir gea a la proposta. Perquai che la proposta vegn oravant tut or dal Cussegl dals chantuns vegnan quels cun gronda probabilitad a dir gea. I dependa dal Cussegl naziunal. Là dovria 101 vuschs per che la refurma vegnia tras.

Dapli dal tema:

Legenda: Guardar il video Lobbying en il Grischun - datti quai?. Durada 01:37 minutas.
Or da Actualitad video dals 10.03.2017.

RR actualitad 07:00