Siglir tar il cuntegn

Header

cuntegn

Litteratura svizra Il Grand Prix Literatur 2021 va a Frédéric Pajak

Il Grand Prix Literatur svizzer, il pli aut premi da litteratura da la Svizra, va quest onn a Frédéric Pajak. Il scriptur vegn undrà per sia ovra da vita. Pajak è tranter auter enconuschent per ses purtrets da picturs, scriventas e filosofs.

Ultra da quai vegnan onurads set auturs ed auturas per lur ovras dal 2020 cun ils Premis svizzers da litteratura dal 2021. Ils premiads èn:

  • Corinne Desarzens per La lune bouge lentement mais elle traverse la ville
  • Alexandre Lecoultre per Peter und so weiter
  • Dragica Rajčić Holzner per Glück, Der gesunde Menschenversand
  • Silvia Ricci Lempen per I sogni di Anna
  • X Schneeberger per Neon Pink & Blue
  • Benjamin von Wyl per Hyäne – eine Erlösungsfantasie
  • Levin Westermann per bezüglich der schatten

Il premi spezial vegn surdà quest onn a quatter bibliotecas che porschan litteratura, infurmaziuns davart votaziuns, revistas, gasettas ed er notas da musica per tschorvs e persunas cun impediment da vesida. Per lur lavur d'intermediaziun vegnan onuradas:

  • Bibliothèque Sonore Romande (BSR - Lausanne)
  • Bibliothèque Braille Romande et livre parlé (BBR - Genève)
  • Schweizerische Bibliothek für Blinde, Seh- und Lesebehinderte (SBS - Zürich) sco er
  • Biblioteca Braille e del libro parlato (Tenero)

Ils premis vegnan surdads da l'Uffizi federal da cultura. Il Grand Prix Literatur ed il Premi spezial èn dotads cun mintgamai cun 40’000 francs, ils Premis svizzers da litteratura cun mintgamai 25'000 francs.

RTR novitads 14:00

Artitgels legids il pli savens