Siglir tar il cuntegn
cuntegn

Svizra Linguissimo: Duas Grischunas tranter ils megliers

Tranter ils set giuvenils ch'han survegnì la plima tar la concurrenza da scriver «Linguissimo» èn duas grischunas.

Las finalistas ed ils finalists da la concurrenza da scriver.
Legenda: Las finalistas ed ils finalists da la concurrenza da scriver. MAD

A Friburg èn questa fin d'emna 30 giuvenils sa participads al final da la concurrenza da scriver per giuvenils «Linguissimo». Tranter ils set megliers auturs èn er duas Grischunas. Plinavant han trais Turitgaisas, trais giuvenils tessinais ed ina da la Turgovia pudì persvader.

En gruppas da dus u trais han els scrit ils texts premiads. I sa tracta da texts da chanzuns en pliras linguas. Chantadurs da las quatter regiuns linguisticas han sustegnì ils finalists dal «Linguissimo». Tranter els er il rappunz rumantsch «Giganto».

500 francs per il Liceo Lugano

Er classas han la pussaivladad da sa participar. Questa giada è il premi da 500 francs per la meglra classa ì sin il conto da la 2DJ dal Liceo Lugano.

250 annunzias

Ils finalists èn vegnids elegids or da las 250 annunzias. Ils participants han scrit duas texts en duas linguas naziunalas davart in lieu spezial ed in'autobiografia.

Il proxim linguissimo ha lieu l'atun 2018.

Organisaziun

La concurrenza da scriver «Linguissimo» vegn organisada dapi 10 onns dal Forum Helveticum.

RR novitads 06:00