Siglir tar il cuntegn
Inhalt

Svizra Lingias da tren interruttas

Tranter Estavayer-le-Lac e Cheyres e tranter St. Niklaus e Täsch èn las lingias da tren interruttas.

L'inscripziun "Bahnersatz" sin in auto da posta.
Legenda: Sin ils trajects interruts datti bus da remplazzament. Keystone

Pervi da crudada da crappa è la lingia da viafier tranter Sankt Niklaus e Täsch en il Vallais interrutta. Quai communitgescha la Viafier Matterhorn-Gottard. Quant ditg che la lingia resta bloccada, n'è anc betg enconuschent. I saja da quintar cun trens che crodian ed er cun retards. Ils passagiers vegnan transportads cun bus da remplazzament.

La lingia da tren da las Viafiers federalas tranter Estavayer-le-Lac e Cheyres en il chantun da Friburg è interrutta pervi d'in sbuvaditsch. En omaduas direcziuns na pon ils trens betg cursar – e quai almain fin il glindesdi. Er qua vegnan ils passagiers transportads cun bus e per il traffic da pendularis dal glindesdi duai dar in concept da remplazzament.

RR novitads 15:00